Bugungi kunda, axborot texnologiyalari juda tez rivojlanayotgan bir paytda, deyarli har bir kompaniya va tashkilot o’z veb-saytiga ega bo’lishni istaydi. Ko’pincha odamlar orasida Internetda o’zlarining veb-sahifalarini yaratish zarurati tug’iladi. Bunday xollarda har qanday saytning asosi bo’lgan HTMLni biladigan mutahasisga talab paydo bo’ladi, natijada, foydalanuvchilarda ko’pincha muammolar va savollar paydo bo’ladi.

Bu holda eng oson yo’li zarur dasturlash tili va HTMLni tushunadigan dasturchini jalb qilishdir. Yoki siz HTML-kursni o’rganishingiz va o’zingiz qilishingiz, o’z navbatida ancha muncha pulni tejashingiz mumkin.

HTML (HyperText Markup Language) – bu veb-sahifada elementlarni qanday  joylashtirish kerakligini belgilaydigan tartib tizimi deb tushunish mumkin.

Saytdagi ma’lumotlar, uni taqdim etish usuli va dizayni ma’lum bir qonun qoidalar asosida belgilanadi, yani, har bir elementning Sayt dizaynini qurishda belgilangan o’rni mavjud.

HTML veb sahifada elementlarning aynan qaysi joyda joylashishini mahsus teglar yordamida belgilab beradi. Albatta, hozircha sizga ayrim so’zlar tushunarsiz bo’lishi mumkin ammo siz kursimiz davomida ushbu tushunchalarni nafaqat tushunib boshlaysiz, balki o’zingiz mustaqil html kodlarni yozishni o’rganasiz.

Ushbu darslik asosan endigina veb dasturlash va veb dizayn olamiga qadam qo’ygan insonlar uchun mo’ljallangan bo’lib, kurs davomida nafaqat sayt dizaynini yaratish bo’yicha boshlang’ich tushunchalarni o’zlashtirasiz, balki, Hosting, domen, sayt va veb olamiga bog’liq bo’lgan boshqa bilimlarni ham o’zlashtirib boshlaysiz. Kursimiz ko’pgina misollar, rasmlar, tekshirish uchun savollar va mustaqil ishlardan tuzilgan bo’lib, ushbu vazifalar HTMLni tezroq o’rganishga yordam beradi. Professional veb dizayner bo’lishni istaganlar CSS va JavaScript tillarini o’rganishi lozim.